اخوتى الأعزاء

مستوى الحوار أصبح راقياً على عكس ما توقعت فى البداية ( شكراً لكم ) وانتم شباب يفرح والله

نجم الملاعب الإيطاليه ديل بييرو ، مشاركتك أسعدتنى و أقدم اعتذارى لأنى لم أكن أعلم عن قائمة المنتفعين بوجود زبالتنا فى الشارع ، و بالنسبه لموضوع صناع الحياه ده ربنا معاكم و يقويكم و ياريت أشوف لكم أى فعاليه فى شوارعنا و ميكونش مجرد كـــلام .

مشتاقه لربى ، مشاركه جميله و لكنك ورطتى نفسك لأننى سأطلب منك مباشرةً أن تقومى بتكثيف جهودك من خلال دورك كمربيه و معلمه لأطفالنا المتوحشين و من خلال اجتماعات هيئة التدريس و اجتماعات أولياء الأمور ، أعلم أن المهمة صعبه و تحتاج لروح مقاتله ، كثفى جهودك و الله معك .

عائد لله  ، سأوافيكى بقائمة أسعار من مصانع إنتاج الباسكيت الكبير ( اسمه العلمى صندوق زباله ) فى خلال يومين بإذن المولى عز وجل .

الإخوة الكرام أنا قلت إحنا نحاول نحل الموضوع و نتصرف  محدش يقول الحكومه و المسئولين تانى إحنا المجتمع المدنى و مش الحكومه هى اللى بتنزل ترمى كيس الزباله فى الشارع و مش المسئول هو اللى بيخللى ولادنا يرموا أكياس الشيبسى و الكادبورى على السلالم و من الشبابيك .

بجد بجد بجد أثبتم لى أن بلدنا لسه بخير وأن أولادها و بناتها لسه محترمين و بيفكروا .

ربنا يحميكم

أحمد

السلام عليكم و رحمة الله و بركاته

اخى الفاضل طلبك للأسف لن استطيع ان اضعه موضع التنفيذ لاننى لست معلمة مثبته او حتى متعاقدة و انما كما يقال بالحصة لا احضر لا اجتماعات و لا طوابير و لا غيره

و لكنى احاول ان ابذل قصار جهدى فى هذا الامر

يا ريت الامر مقتصر على الزبالة

الله المستعان

و جزاك  الله خيرا على هذا النقاش الذى ارجو ان يكون بناء

و بالمناسبة صناع الحياة مش كلام و بس

السلام عليكم ورحمة الله وبركاته

المناقشة جيدة جدا واخشي انها تكون مجرد كانت مناقشة وانتهت

اين انتم ؟

من الممكن ان نبدا من هنا وكل يعمل في عمله ومنزله

اعتقد ان الامر لا يتعدي ان نشتري باسكت للشوارع

فهناك التوعية التي ممكن ان نقوم بها نحن بطرق عدة فلماذا لم نفكر بها وهي وتوعية من السهوله ولا تحتاج لاي وسائل مادية

تحتاج لاتصال مباشر مع افراد من عائلتنا ويستحسن ان يكونوا من الاطفال ونوعيهم لهذا الامر

ونتحدث مع الامهات والاباء وكيفية التوعيه

اعتقد ان هذا الامر من الممكن ان نقوم به

السلام عليكم ورحمة الله

اعتذر عن غيابى لاسباب خارجه عن ارداتىولكن عندى اخبار كويسه

هقولكوا الحكايه الاول   بجوار البيت عندنا فى مكان فاضى كبير فالناس بتعتبره مقلب للزباله

المهم الراجل صاجب الارض جب شويه تراب وحطهم  وعملهم زى سور المهم الناس بقت ترمى على السور مفيش مشكله

الحمد لله

اخيرا والدى جاب لودر وشال التراب ده والزياله

والناس يعنى انا  حاسه انها مكسوفه شويه ترمى والمكان نظيف

تانى حاجه برده اللى استغربت ليها النهارده ان شوفت الصبح عربيه الزباله وقفه وبتشيله

وحاجه كمان مش هتصدقوها الشارع بيتسفلت فجاه لقيناهم بيعملوا باللودر فى الارض وشغلهم والله اعلم متحمسين اوى وبيشتغلوا بسرعه والناس فى الشارععندها استعداد تتبرع بس بكمل الموضوع

ادعولنا

السلام عليكم ورحمه الله وبركاته

فى البدايه أنا سعيده جدا بمشاركتى معاكم , وخاصه انى من مؤسسى المنتدى قريبا

أما بالنسبه لموضوع الزباله , فلو كل انسان بدأ بنفسه واللى حواليه أكيد هيكون فيه نتيجه , وأنا يحضرنى موقف ,, وأنا مره ماشيه أنا وانسان أعتز بيه جدا ورمى منديل فى الشارع واحنا ماشين , فأنا وقفت وقلت له مش همشى الا لما تجيبه تانى وبالفعل شال المنديل من ع الأرض وبعدها بفتره واحنا ماشين وكان عاوز يرمى المنديل , فنظر لى وضحكت وقالى لا خلاص حرمنا ... فلو كل واحد حاول مع اللى حواليه أكيد هنلاقى نتيجه كويسه